Aadwief Zien (2004/2005)

Tekst en muziek: Pieter Classen
Zang: De Aajwiever vanne Ruiver

Koeplet 1
Zoë tösse körs en niejaor
den begint biej ôs de sjtried:
Un pekske veur ut prinsebal
maar ich höb gènne tied.
Det is veur um belangriek
toch bekèn ich hiël sjnel kleur:
Gank doe dich maar get kaupe
ut Aad wieverbal geit veur.
Want eine kiër per jaor, den zien veur d'r veur klaor

Refrein
Ut sjonste bal, det is Aad wieverbal.
Dao kèn gèn anger bal toch taege'n op.
De ganse aovend huërse sjaele kal,
en sjteit de hiële tent auch oppe kop.
Pas as ut Aadwief oet kump
is de ganse aovend aaf.
En zinge alle wiever den in plaats van ut "alaaf":
"Aad wief zien, is ut sjonste in ut laeve",
"Aad wief zien, det is harsjikke gaaf."

Koeplet 2
Al waeke van te veure huërse:
Waem waerdt nieje prins?
Dao kènse auch veur raoje
en det duit zoë mennig miens.
Biej ôs is det neet anges,
haet auch weinig om ut lief.
Maar ein dingk det is zeker:
ôzze winnaar is ein Wief!
Want eine kiër per jaor, den zien veur d'r veur klaor 

Refrein 2x