Good gemöts (2008/2009)

Tekst en muziek: Pieter Classen
Zang: De Aajwiever vanne Ruiver

Refrein
Wat zuus doe oët, wat zuus doe oët,
Noe kiëk wat ein gezich!
Wat höbs-se dich weer aangedaon,
kiek dae baovekantj van dich:
Ich dach: mit mien möts det zit waal good,
En noe, noe zeen ich diene hood…
Maar mit dich en diene hood, gaon ich gaer (al waert ’t laat),
good gemöts, good gemöts, good gemöts op paad,
good gemöts, good gemöts, good gemöts op paad. 
(4x, Van sjmorges vreug toet soaves laat)

Koeplet 1
’t Ganse jaor op zeuk nao inspirasie,
Nao get niejs, nao get biejzónjers, gans uniek!
Maonjdelang gewerk aan mien kreasie….
Ich wis ’t noe hiël zeker, dit waas sjiek!!
Ich dach: “Det zit waal good”!
Maar waem krieg hiej de vaere oppe hood??

Koeplet 2
’t Waas zoewiët ’t fieës kós gaon beginne,
Ich haaij noe waal get biejzónjers éch uniek!!
kós ich zoëget sjoéns toch zelf verzinne?
’t Ganse Prinsebal det reep: “Wat sjiek!!”
Ich dach: “Det zit waal good”!
Maar waem krieg hiej de vaere oppe hood??